ERE Rent Car

Transparenca

Si funksionon ERE Rent Car

Asnjë tarifë e fshehur. Asnjë surprizë në fund. Këtu ju shpjegojmë me detaje procesin e qiramarrjes, zbritjet, programin e pikëve dhe çdo gjë që ju duhet të dini para se të rezervoni.

1. Si funksionon rezervimi
  1. 1
    Zgjidhni makinën nga flota jonë. Çmimi për ditë shfaqet qartë te çdo makinë.
  2. 2
    Plotësoni datat e marrjes dhe të kthimit te forma e rezervimit. Përmbledhja e çmimit përditësohet në kohë reale — shihni totalin para se të dërgoni.
  3. 3
    Ne ju kontaktojmë brenda pak orësh për konfirmim përmes WhatsApp, Viber ose telefoni.
  4. 4
    Marrja e makinës falas në Aeroportin e Tiranës (TIA), Portin e Durrësit ose në qendër.
  5. 5
    Pas kthimit, nëse keni llogari, rezervimi shënohet "Përfunduar" dhe pikët shtohen automatikisht.
2. Çfarë përfshin çmimi

Çmimi për ditë që shihni te flota përfshin gjithçka që ju duhet për përdorim brenda Shqipërisë:

  • Dokumentacioni i plotë i nevojshëm dhe sigurimi TPL (përgjegjësia ndaj palëve të treta) për përdorim brenda territorit të Shqipërisë
  • Kilometra të pakufizuara brenda Shqipërisë
  • Asistencë rrugore 24/7
  • Dorëzim falas në Aeroportin TIA, Portin e Durrësit, qendër
  • TVSH-ja dhe të gjitha taksat lokale
⚠ Përdorimi jashtë territorit të Shqipërisë (Kosovë, Mali i Zi, Maqedonia e Veriut, Greqi etj.) kërkon dokumentacion shtesë dhe sigurim ndërkufitar. Ju lutemi kontaktoni shërbimin tonë paraprakisht për të përgatitur dokumentet dhe për të mësuar koston shtesë para nisjes.
Shërbime të tjera opsionale: ulëse fëmijësh, GPS, shofer shtesë. Të gjitha çmimet ju thuhen para se të konfirmoni.
3. Zbritje për qira të gjata (automatike)

Sa më shumë ditë qiramarrje, aq më pak paguani për ditë. Zbritja zbatohet automatikisht nga çmimi fillestar — nuk ju duhet kod ose kërkesë:

Nga 3+ ditë
−5%
Nga 10+ ditë
−10%
Nga 15+ ditë
−15%

Shembull: makinë €50/ditë për 12 ditë = €50 × 12 − 10% = €540 (në vend të €600).

4. Programi i besnikërisë (pikët)
Si fitohen
€1 = 1 pikë

Pas çdo rezervimi të përfunduar, fitoni 1 pikë për çdo €1 të shpenzuar.

Si përdoren
15 pikë = €1

Përdorini pikët në rezervimin tjetër për ulje direkte në total.

Rregulla të rëndësishme:

  • Nevojitet llogari — pikët shtohen vetëm te klientët e regjistruar. Krijoni llogari falas.
  • Pikët shtohen automatikisht kur rezervimi shënohet "Përfunduar" pas kthimit të makinës.
  • Pikët mund të kombinohen me kodet promocionale dhe me zbritjet automatike për qira të gjata.
  • Nëse rezervimi anulohet pasi është shënuar i përfunduar, pikët kthehen automatikisht (zhbëhen).
  • Pikët skadojnë pas 12 muajsh nga data e fitimit. Data e skadimit shfaqet për çdo transaksion te llogaria juaj.
Shembull praktik: Rezervim i parë €540 → fitoni 540 pikë. Në rezervimin tjetër prej €400, përdorni 540 pikë → ulje €36 → paguani €364.
5. Pa tarifa të fshehura

Premtojmë që çmimi që shihni në momentin e rezervimit është çmimi që paguani. Asnjëherë nuk shtojmë:

  • Tarifa "shërbimi" ose "administrative" në fund
  • Pagesa shtesë për dorëzim në aeroport ose port
  • Tarifa për pastrim normal të makinës pas përdorimit
  • Komisione për pagesë me kartë
6. Anulime dhe ndryshime
  • Anulim falas deri 48 orë para datës së marrjes.
  • Ndryshime të datave bëhen pa kosto sipas disponueshmërisë së makinës.
  • Pas konfirmimit, mund të na kontaktoni në çdo kohë për pyetje ose ndryshime.
7. Çfarë presim nga ju
  • Patentë e vlefshme (minimumi 2 vite eksperiencë)
  • Mosha minimale 21 vjeç
  • Dokument identifikimi (kartë identiteti ose pasaportë)
  • Kthimi i makinës me të njëjtin nivel karburanti
  • Përdorim normal dhe i kujdesshëm — pa garë, pa offroad pa miratim
8. Kontrata e qirasë — çfarë do të nënshkruani

Në momentin e marrjes së makinës, do të plotësohet dhe nënshkruhet një kontratë qiraje dypalëshe (shqip / anglisht). Më poshtë ju tregojmë saktësisht çfarë të dhënash do t'ju kërkohen, që të vini të përgatitur dhe pa surpriza.

Qiradhënësi
ERE Rent Car
NUIS: M66527002M
Tel: +355 69 296 0127 · WhatsApp/Viber: 068 33 33 356
Email: ere@ererentcar.com

Të dhënat e qiramarrësit

  • Emër mbiemër i plotë
  • Numri i kartës së identitetit ose pasaportës
  • Numër telefoni dhe email kontakti

Të dhënat e shoferit/ëve

Në kontratë mund të regjistrohen deri në 3 shoferë të autorizuar. Për çdo shofer ju duhet:

  • Emër mbiemër
  • Numri i patentës (e vlefshme, mbi 2 vite eksperiencë)
⚠ E rëndësishme: automjeti mund të drejtohet vetëm nga personat e listuar në kontratë. Çdo shofer tjetër pa autorizim e bën qiramarrësin përgjegjës për dëmet.

Të dhënat e automjetit (i plotësojmë ne)

  • Marka, modeli, targa dhe VIN/shasi
  • Kilometrat në marrje dhe në kthim
  • Niveli i karburantit në marrje (duhet të kthehet i njëjtë)
  • Lista e dëmtimeve ekzistuese para nisjes

Afati dhe pagesa

  • Data, ora dhe vendi i marrjes / kthimit
  • Ditët gjithsej, çmimi për ditë dhe totali (në EUR)
  • Depozita (kthehet pas dorëzimit pa probleme)
  • Mënyra e pagesës: Cash / Kartë / Transfertë bankare

Gjendja e mjetit (checklist në dorëzim)

Të dyja palët kontrollojnë dhe shënojnë në kontratë:

  • Dokumentet e mjetit në bord
  • Goma rezervë, krik dhe trekëndësh sigurie
  • Niveli i karburantit dhe dëmtimet ekzistuese

Kushtet kryesore që pranoni

  • Vetëm personat e autorizuar mund ta drejtojnë automjetin.
  • Qiramarrësi mban përgjegjësi për gjobat, përdorimin jashtë kushteve të kontratës dhe çdo dëm të pambuluar nga sigurimi.
  • Në rast aksidenti, duhet të njoftohet menjëherë policia dhe qiradhënësi.
  • Dalja jashtë territorit të Shqipërisë lejohet vetëm me autorizim me shkrim nga qiradhënësi.
  • Makina kthehet në të njëjtën gjendje në të cilën është dorëzuar, përveç konsumit normal.
💡 Nëse dëshironi ta lexoni kontratën para datës së marrjes, na e kërkoni në WhatsApp ose email dhe ju dërgojmë një kopje PDF për t'u njohur paraprakisht.

Keni pyetje të tjera?

Ekipi ynë përgjigjet 7 ditë në javë në WhatsApp, telefon ose email.